By: Nitz Arancon
Paminawon na karong adlawa sa Philippine Competition Commission kon PCC, ang
reklamo nila ni City Councilor Teodulfo Lao Jr., Enrico Salcedo ug Reuben Daba, batok sa water cartel sa Cagayan de Oro Water District ug Metropac.
Si Lao, Salcedo ug Daba, uban sa ilang abogado nga si Atty. James Judith, molarga karong adlawa padulong sa Malakanyang, aron motambong sa hearing nga gipatawag sa PCC.
Matud ni Daba, nga ilang gipangayo sa ilang reklamo sa PCC, nga ibaliwala ang Joint Venture Agreement sa COWD ug Metro pac, kay ilang gihimong cartel ang water service sa Cagayan de Oro.
Gusto ni Lao, Salcedo ug Daba, nga dunay lain pang mga water supplier sa Cagayan de Oro, aron malikayan ang cartel ug monopoly sa paghatud sa tubig kanato nga mga water consumers.
Matud ni Daba, nga na-a karon dinhi sa Cagayan de Oro ang multi billionaire nga cooperative sector, nga dunay kapital nga kapin sa 30 billion pesos, nga andam mo supply sa limpiyo, ug ma-inom nga tubig sa Cagayan de Oro.
