Nangayog pasaylo ang management sa Cagayan de Oro Water District o COWD sa inconvenience nga nasinati karon sa mga water consumers sa portion sa 2nd district sa Cagayan de Oro, labi na sa Barangay Camaman-an ug silingan pang mga barangay.
Matud ni COWD Spokesperson Ladelle Sagrado nga gikan sa Barangay Camaman-an ug silingan pang mga barangay nakasinati pa gihapon sila sa hinay nga pressure sa tubig ngadto sa water interruption hangtud karon.
Gibutyag usab ni Sagrado nga hangtud pa sa Oktubre 10, Miyerkules ang ilang pagtul-id sa ilang nadaot nga water pump nga maoy nagtulak sa ilang water supply sa Sityo Paglaum sa Barangay Camaman-an ug silingan pang mga lugar.
Gidugang ni Sagrado nga ang ilang mga maintenance workers sa COWD, nagpadayon karon sa ilang electro-mechanical works, kay ilang gipolihan ug bag-o ang ilang electro-Mechanical Parts, sa ilang Camaman-an water pump.
