WCPD South Cotabato nakarecord sang 44 ka mga youth offenders subong nga tuig.

Nakarecord sang 44 ka kaso sang children in conflict with the law ukon CILCL ang Women Children Protection Desk (WCPD) sang South Cotabato Police Provincial Office halin Enero tubtob Oktubre subong nga tuig.
Suno kay Police Lt. Jojie Alog sang Womens and Childrens Protection Desk sang South Cotabato Police Provincial Office ang nasambit nga kaso ang manubo kumparar sang nagligad nga tuig nga nagalab-ot sa 146 ka mga youth offenders sa kapareho nga period.
Samtang base sa ila datos kadam-an sang mga nakomitir nga krimen sang mga kabataan ang pagpangawat kag pag-imbolber sa illegal drugs.
Sa status naman sang kaso 19 ang napasakaan sang kaso sa korte, isa ang under investigation, 15 naman ang narefer sa DSWD kag syam ang nag-execute sang affidavit of disintered to file a case.
May-angot sini, suno kay Provincial Social Welfare and Development Officer Haidie Agustin may-yara na sang mga pasilidad sa subong nga butangan sa mga CICL kapareho sang Bahay Silangan Reformatory Center, Bahay Pagasa, Regional Rehabilitation Center sang DSWD kag kon indi daku ang nakomitir nga krimen ang ginabalik naman sa komunidad.