NEGROS OCCIDENTAL – Ginapahanda sang Provincial Disaster Management Program, PDMP ang mga mangunguma kag mananagat sa Negros Occidental batuk sa ginatawag nga “Enhanced Weak La Niña” sini nga tuig 2018.
Suno sa head sang PDMP nga si Zephard Gerhart Caelian nga dapat preparahan sang mga mangunguma ang La Niña kasunod nga ang Pilipinas maka experience sang maulanon nga panahon.
Ginakabalak-an nga magalawig pa tubtub sa bulan sang Pebrero ang kaangay sini nga timepo kag may posibilidad nga makatuga sang kahalitan sa bahin sang pangabuhian sang mga mangunguma.
Nahibaluan nga wala labot sa pagbaha-baha sa mga manubo nga bahin sang probinsya particular sa mga agricultural areas, dapat nga may preparasyon man batuk sa pest infestation kag coastal erosion.
Ang La Niña amo ni ang periodic nga pagtugnaw sa equatorial Eastern kag Central Pacific Ocean kon diin sa tion nga ang temperature sa dagat ang mas matugnaw sang sa average nga 0.5 degrees Celcius, diri kag nagatuhaw ang La Niña./Atty. Japhet Masculino photo
