11:50 AM 20JULY18
Gipahibalo sa City Disaster Risk Reduction and Management Department o CDRRMD nga basi sa SEVERE WEATHER BULLETIN sa PAGASA ganihang 11:00 sa buntag, ang Bagyong (Severe Tropical Storm) “INDAY” nikusog samtang kini nagalihok sa Amihanang-kasadpan (Northwest).
Ang sentro sa bagyo adunay gilay-ong 925 km Sidlakan Amihanang-sidlakan (East Northeast) nga bahin sa Basco, Batanes sa kakusgong 90 kph ug paglihok nga 15 kph sa Amihanang-kasadpan (Northwest) ganihang 10:00 sa buntag.
Ang Northern Mindanao dili apektado sa STS “INDAY”, apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Forecast Positions:
-24 Hour(Tomorrow morning): 890 km Northeast of Basco, Batanes (OUTSIDE PAR)
-48 Hour(Sunday morning):1,075 km North of Basco, Batanes (OUTSIDE PAR)
-72 Hour(Monday morning): 1,435 km North Northwest of Basco, Batanes (OUTSIDE PAR)
Walay natala nga pag ulan sa CDO karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron usab sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
