9:25 PM 22NOV18
Gipahibalo sa City Disater Risk Reduction and Management Department o CDRRMD nga basi sa SEVERE WEATHER BULLETIN sa PAGASA alas 8:00 kagabii, ang Bagyong (TROPICAL DEPRESSION) “SAMUEL” anaa na GAWAS sa PAR.
Ang sentro sa Bagyo adunay gilay-ong 470 km Kasadpan Amihanang-kasadpan (West Northwest) nga bahin sa Puerto Princesa City, Palawan; kakusgong 55 kph ug paglihok nga 20 kph Kasadpan (West) alas 7:00 kagabii.
Ang Northern Mindanao dili apektado sa Bagyong Samuel ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Forecast Positions
– 24 Hour(Tomorrow afternoon): 865 km West of Puerto Princesa City, Palawan (OUTSIDE PAR).
Gi-wala na ang tanang Thunderstorm Advisories sa tibuok Mindanao basi sa pahimangno sa PAGASA ganihang 9:20 sa gabii.
Madag-umon ngadto sa hinay (light) nga pag ulan ang nasinati sa ubang parti sa Cagayan de Oro karong orasa.
Naka-sinati sa madag-umon ngadto sa hinay (light) nga pag ulan ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Madag-umon ngadto sa hinay (light) nga pag ulan usab ang nasinati sa ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
