11:55 PM 30JUNE2019
Gipahibalo sa City Disaster Risk Reduction and Management Department o CDRRMD nga basi sa SEVERE WEATHER BULLETIN sa PAGASA ganihang 11:00 sa gabii, ang sentro sa gibantayang Bagyong (Tropical Depression) “EGAY” adunay gilay-ong 405 km Sidlakan Amihanan-sidlakan (East Northeast) nga bahin sa Casiguran, Aurora o 425 km East (Sidlakan) nga bahin sa Aparri, Cagayan; kakusgong 55 kph ug paglihok nga 35 kph Amihanang-kasadpan (Northwest) ganihang 10:00 sa gabii. Ang Bagyo GAMAY ang posibilidad nga mo-landfall sa nasud.
Ang tibouk Mindanao dili direktang apektado sa Bagyo ug Habagat (Southwest Monsoon) apan maka-sinati sa panalagsang pagdag-um ngadto na sa mapangarunon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Forecast Position
– 24 Hour(Tomorrow evening): 40 km West of Basco, Batanes
Samtang ang Northern Mindanao DAKO ang posibilidad nga maka-sinati sa pag ulan, kilat ug pagpanalugdog (thunderstorms) sulod sa 12 ka oras, basi sa pahimangno sa PAGASA ganihang 10:00 sa gabii.
Nagpabiling mapanganuron ang ubang parti sa Cagayan de Oro.
Nagpabiling mapanganuron sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Nagpabiling mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
