5:25 AM 28NOV2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang gibantayang Bagyo (Severe Tropical Storm) nga adunay international name “Kammuri” gawas sa PAR anaa na sa gilay-ong 1,510 km Sidlakan (East) nga bahin sa Visayas; kakusgong 110 kph; ug paglihok nga 10 kph Amihanang-kasadpan (Northwest) ganihang 3:00 sa buntag. Ang bagyo DAKO ang tsansa nga mo-sulod sa PAR.
Ang Northern Mindanao apektado sa Trough o Extension sa Bagyo ug tungod niini maka-sinati sa mapanganuron nga kalangitan inubanan sa katag-katag nga pag ulan ug panalugdog. Samtang ang Amihan (Northeast Monsoon) dili direktang maka-apekto sa tibuok Mindanao.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanan (North) nga maoy mo-resulta sa 0.6 – 2.1 meters nga balud sa kadagatan sa Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara maao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
