11:35 AM 12JUNE2020
Gipahibalo sa City Disaster Risk Reduction and Management Department o CDRRMD nga basi sa Severe Weather Bulletin sa PAGASA ganihang 11:00 sa buntag, ang sentro sa gibantayang Bagyong (Tropical Depression) “BUTCHOY” anaa na sa gilay-ong 140 km Kasadpan Amihanang-kasadpan (West Northwest) nga bahin sa Iba, Zambales ganihang 10:00 sa buntag. Kini adunay kakusgong 55 kph ug 25 kph nga paglihok sa Kasadpan Amihanang-kasadpan (West Northwest). Ang bagyo posibling mo-gawas sa PAR karong Sabado (June 13) sa buntag.
Ang Northern Mindanao dili apektado sa Bagyo ug Southwest Monsoon apan maka-sinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan tungod sa “localized thunderstorms”
Forecast Position
– 24 Hour(Tomorrow morning): 390 km West of Sinait, Ilocos Sur (OUTSIDE PAR)
– 48 Hour(Sunday morning):885 km West of Extreme Northern Luzon (OUTSIDE PAR)
Walay pag ulan sa Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
