6:20 PM 19MAR19
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa hapon, ang sentro sa Low Pressure Area (LPA) kanhing “CHEDENG” adunay gilay-ong 140 km Habagatang-kasadpan (Southwest) nga bahin sa Cotabato City ganihang 3:00 sa hapon.
Ang Northern Mindanao nagpabiling apektado sa LPA diin maka-sinati sa madag-umon nga kalangitan inubanan sa katag-katag nga pag ulan.
Ang Easterlies dili direktang maka-apekto sa Northern Mindanao.
Hinay (Light) ngadto sa kasarangan (moderate) nga hangin gikan sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa Northern Mindanao.
Mapanganuron sa Cagayan de Oro karong orasa.
Mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab ang nasinati sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
