Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 kagahapon sa hapon, ang gibantayang Bagyong (Tropical Depression) “EGAY” nihinay ug nahimo nang Low Pressure Area (LPA) sa gilay-ong 190 km Sidlakan Amihanang-sidlakan (East Northeast) nga bahin sa Calayan, Cagayan ganihang 4:00 sa hapon.
Ang tibouk Mindanao dili direktang apektado sa LPA (kanhing TD “EGAY”) ug Habagat (Southwest Monsoon) apan maka-sinati sa panalagsang pagdag-um ngadto na sa mapangarunon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Samtang, gipahibalo usab sa CDRRMD nga basi sa pahimangno sa PAGASA ganihang 1:15 sa kadlawon, gi-wala na ang tanang Thunderstorm Advisories sa tibuok Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
