6:15 AM 8AUG2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa Bagyong (Typhoon) “HANNA” adunay gilay-ong 485 km Sidlakan Amihanang-sidlakan (East Northeast) nga bahin sa Basco, Batanes; kakusgong 175 kph ug paglihok nga 15 kph Amihanang-kasadpan (Northwest) ganihang 4:00 sa buntag. Ang bagyo GAMAY ang posibilidad nga mo-landfall sa nasud ug posibling mo-gawas sa PAR karong Biyernes (August 9).
Kasarangan (moderate) ngadto sa kusog (strong) nga hangin gikan sa Habagatang-kasadpan (Southwest) nga maoy mo-resulta sa 1.2 – 3.4 meters nga balud sa kadagatan sa Northern Mindanao.
Forecast Position:
-24 Hour(Friday morning): 550 km North Northeast of Basco, Batanes.
-48 Hour(Saturday morning): 700 km North of Basco, Batanes (OUTSIDE PAR).
-72 Hour(Sunday morning): 1020 km North of Basco, Batanes (OUTSIDE PAR).
Samtang naay ginabantayang Low Pressure Area (LPA) nga adunay gilay-ong 270 km Kasadpan (West) nga bahin sa Dagupan City, Pangasinan. Ang LPA GAMAY ang posibilidad nga mahimong bagyo.
Ang tibouk Mindanao dili apektado sa Bagyo ug sa LPA apan maka-sinati sa madag-umon nga kalangitan inubanan sa patak-patak nga pag ulan ug pagpanalugdog tungod sa Habagat (Southwest Monsoon).
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
