4:50 AM 28AUG2019
Gipahibalo sa City Disaster Risk Reduction and Management Department o CDRRMD nga basi sa SEVERE WEATHER BULLETIN sa PAGASA ganihang 2:00 sa buntag, ang gibantayang Bagyong (Tropical Storm) “JENNY” nag-landfall sa Casiguran, Aurora samtang mihinay ug nahimong Tropical Depression; kakusgong 55 kph ug paglihok nga 35 kph Kasadpan Amihanang-kasadpan (West Northwest) ganihang 1:00 sa buntag.
Ang Northern Mindanao dili apektado sa Bagyo ug Habagat (Southwest Monsoon) apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Forecast Positions:
-24 Hour(Tonight): 585 km West of Dagupan City, Pangasinan (OUTSIDE PAR).
48 Hour(Thursday evening):1,050 km West of Sinait, Ilocos Sur (OUTSIDE PAR).
Mapanganuron sa Cagayan de Oro karong orasa.
Mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
