4:45 AM 25AUG18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR) anaa sa gilay-ong 910 km Amihanang-sidlakan (Northeast) nga bahin sa Basco, Batanes.
Ang Northern Mindanao dili apektado sa LPA ug Habagat (Southwest Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Ang sentro sa Bagyong TROPICAL DEPRESSION (kanhing LUIS) anaa na sa 595 km Amihan Amihanang-kasadpan (North Northwest) bahin sa Extreme Northern Luzon GAWAS sa PAR.
Kini adunay kakusgong 45 kph ug paglihok nga 8 kph Amihan Amihanang-kasadpan (North Northwest) ganihang 3:00 sa buntag.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) maoy mo-resulta sa 0.6 – 1.2 meters nga balud sa kadagatan sa Northern Mindanao.
Walay natala nga pag ulan sa Cagayan de Oro karong orasa.
Nagpabiling mapanganuron ang ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
