5:45 AM 01OCT2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Bagyong (Typhoon) “ONYOK” ni gawas na sa Philippine Area of Responsibility (PAR) gahapon sa 10:30 sa gabii. Ang bagyo anaa sa gilay-ong 695 km Amihanan (North) nga bahin sa Basco, Batanes; kakusgong 140 kph ug paglihok nga 30 kph Amihan (North) ganihang 4:00 sa buntag.
Ang tibuok Mindanao dili direktang apektado sa Trough sa Bagyo apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Forecast Positions:
– 24 Hour(Tomorrow morning): 1,160 km North of Basco, Batanes (OUTSIDE PAR)
Hinay (light) ngadto sa kasarangan (moderate) nga hangin nga magagikan sa Habagat (South) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay natala nga pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
