5:25 AM 14NOV2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Tropical Storm) “RAMON” adunay gilay-ong 355 km Sidlakan (East) nga bahin sa Legazpi City, Albay; kakusgong 65 kph ug paglihok nga 10 kph Kasadpan Amihanang-kasadpan (West Northwest). Ang bagyo DAKO ang posibilidad nga mo-landfall sa nasud karong Sabado sa gabii (November 16) o Dominggo sa buntag (November 17).
Ang tibouk Mindanao dili direktang apektado sa Bagyo ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Forecast Positions:
– 24 Hour (Tomorrow morning): 175 km North Northeast of Virac, Catanduanes
– 48 Hour (Saturday morning): 250 km East of Baler, Aurora
– 72 Hour (Sunday morning): In the vicinity of Ilagan, Isabela
– 96 Hour (Monday morning): In the vicinity of Bacsil, Ilocos Norte
– 120 Hour (Tuesday morning): 160 km west of Laoag City, Ilocos Norte
Hinay (light) ngadto sa kasarangan (moderate) nga hangin ang magagikan sa Amihanang-kasadpan (Northwest) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
