5:35 AM 16NOV2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Tropical Storm) “RAMON” adunay gilay-ong 440 km Sidlakan (East) nga bahin sa Casiguran, Aurora; kakusgong 65 kph ug halos walay paglihok ganihang 4:00 sa buntag. Ang bagyo DAKO ang posibilidad nga mo-landfall sa nasud karong Lunes (November 18) sa gabii o sa Martes (November 19) sa kadlawon.
Ang tibuok Mindanao dili direktang apektado sa Bagyo ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Forecast Positions:
– 24 Hour(Tomorrow morning): 330 km East of Casiguran, Aurora
– 48 Hour(Monday morning):155 km East of Tuguegarao City, Cagayan
– 72 Hour(Tuesday morning): In the vicinity of Claveria, Cagayan
– 96 Hour(Wednesday morning):285 km West of Dagupan City, Pangasinan
– 120 Hour(Thursday morning):360 km North Northwest of Pagasa Island, Palawan (OUTSIDE PAR)
Kasarangan (moderate) nga hangin ang magagikan sa Kasadpan (West) ngadto sa Habagatang-kasadpan (Southwest) maoy mo-resulta sa 1.2 – 2.5 meters nga balud sa kadagatan sa tibuok Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
