Roxas City, Capiz – Nakasulod na sa Philippine Area of Responsibility (PAR) ang Bagyong Rosita nga may international name nga “Yutu.” Suno sa Pagasa, alas-6:30 ng kaina sang aga sang makasulod sa PAR ang sentro sang bagyo. Apisar nga yara na sa PAR ang bagyo, indi pa ini mabatyagan bangud sa kalayuon sini.
Ang bagyong Rosita ang may kabaskugon nga hangin nga naglab-ot sa 185 kph kag kay pagbugso nga 225 kph. Nagahulag ang bagyo padulong nakatungdan (western) sa kadasigon nga 20 kph.
Possible nga magadeklarar ang Pagasa sang tropical cyclone signal warnings sa Northern Luzon buwas nga adlaw. Ginalauman naman nga magalandfall ang Bagyong Rosita sa Cagayan kag Isabela sa maabot nga adlaw sang Martes. Samtang ang probinsya sang Capiz, posible nga makabatyag sang pag-ulan kag malain nga panahon tuga sang bagyo sa ti-on nga maglanfall na ini suno sa Pag-asa.
