5:40 AM 29NOV2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Samtang ang gibantayang Bagyo (international name Typhoon “Kammuri”) gawas sa PAR anaa na sa gilay-ong 1,350 km Sidlakan (East) nga bahin sa Southern Luzon; kakusgong 130 kph; ug paglihok nga 25 kph Kasadpan (West) ganihang 3:00 sa buntag. Ang bagyo posibling mo-sulod sa PAR karong Domingo (01 December) sa buntag ug nganlang Bagyong “TISOY”.
Ang Northern Mindanao dili apektado sa Bagyo ug Amihan (Northeast Monsoon) apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Kasarangan (moderate) ngadto sa kusog (strong) nga hangin gikan sa Amihanang-sidlakan (Northeast) ngadto sa Amihanan (North) nga maoy mo-resulta sa 1.2-4.5 meters nga balud sa kadagatan sa Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara maao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
