5:25 AM 26DEC2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Typhoon) “URSULA” adunay gilay-ong 155 km Amihanang-kasadpan (Northwest) nga bahin sa Coron, Palawan; kakusgong 130 kph; ug paglihok nga 15 kph Kasadpan Amihanang-kasadpan (West Northwest). Ang Bagyo posibling mo-gawas sa Philippine Area of Responsibility (PAR) karong Sabado (December 28) sa buntag.
Ang Northern Mindanao dili apektado sa Bagyo apan maka-sinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan ug panalugdog tungod sa “localized” thunderstorms.
Forecast Positions:
-24 Hour(Tomorrow morning): 415 km West Northwest of Coron, Palawan
-48 Hour(Saturday morning):590 km West of Subic, Zambales (OUTSIDE PAR)
-72 Hour(Sunday morning): 940 km West of Subic, Zambales (OUTSIDE PAR)
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Habagatang-sidlakan (Southeast) nga maoy mo-resulta sa 0.6 – 2.1 meters nga balud sa kadagatan sa Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.(Kining mga lugara maao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon.(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
