6:30 AM 26DEC18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Bagyo (Tropical Depression) “USMAN” adunay gilay-ong 795 km Sidlakan (East) nga bahin sa Hinatuan, Surigao del Sur; kakusgong 45 kph ug paglihok nga 20 kph Kasadpan Amihanan-kasadpan (West Northwest) ganihang 3:00 sa buntag.
Ang Bagyong Usman posibling mamahimong Tropical Storm ug mag-landfall sa Eastern Samar karong Byernes (December 28).
Ang Northern Mindanao dili direktang apektado sa Trough sa TD “Usman” ug Amihan (Northeast Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanan-kasadpan (Northwest) maoy mo-resulta sa 0.6 – 2.1 meters nga balud sa kadagatan sa Northern Mindanao.
Mapanganuron ang ubang parti sa Cagayan de Oro karong orasa.
Mapanganuron usab ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay natala nga pag ulan sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
