5:40 AM 28DEC2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay duha ka Low Pressure Area (LPA) sulod sa Philippine Area of Responsibility (PAR). Ang unang gibantayang LPA anaa na sa gilay-ong 90 km Sidlakan (East) nga bahin sa Baler, Aurora. Samtang ang laing LPA anaa na sa gilay-ong 235 km Amihanang-kasadpan (Northwest) nga bahin sa Puerto Princesa City, Palawan ganihang 3:00 sa buntag. Ang mga gibantayang LPA GAMAY ang posibilidad nga mamahimong bagyo.
Ang Northern Mindanao dili direktang apektado sa duha ka LPA; Trough o extension sa duha ka LPA; Tail-end of a Frontal System og Easterlies apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorms”.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Nagpabiling madag-umon ngadto sa hinay (light) nga pag ulan ang nasinati sa ubang parti sa Cagayan de Oro karong orasa.
Nagpabiling madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling madag-umon ngadto sa hinay (light) nga pag ulan ang nasinati sa ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
