6:10 AM 8MAY2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang tulo ka Low Pressure Areas (LPA).
Ang gibantayang duha ka LPA nga anaa SULOD sa Philippine Area of Responsibility (PAR) adunay gilay-ong 195 km Habagatang-kasadpan (Southwest) nga bahin sa Sinait, Ilocos Sur ug usa ka bag-ong LPA nga anaa sa gilay-ong 335 km Sidlakan (East) nga bahin sa Appari, Cagayan ganihang 3:00 sa buntag.
Ang mga LPA GAMAY ang tsansa nga mamahimong bagyo.
Ang Northern Mindanao dili apektado sa Trough o extension sa mga LPA apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Samtang ang gibantayang LPA GAWAS sa PAR adunay gilay-ong 1,120 km Sidlakan (East) nga bahin sa Mindanao ganihang 3:00 sa buntag. Ang LPA GAMAY ang posibilidad nga mamahimong Bagyo.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay natala nga pag ulan usab sa Talakag ug Baungon.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
