5:55 AM 31AUG19
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang duha ka Low Pressure Area (LPA). Ang gibantayang LPA nga anaa SULOD sa Philippine Area of Responsibility (PAR) adunay gilay-ong 240 km Sidlakan (East) nga bahin sa Aparri, Cagayan ganihang 3:00 sa buntag. Ang LPA GAMAY ang tsansa nga mamahimong bagyo.
Samtang ang gibantayang Low Pressure Area (LPA) GAWAS sa PAR adunay gilay-ong 955 km Sidlakan (East) nga bahin sa Hinatuan, Surigao del Sur ganihang 3:00 sa buntag. Ang LPA GAMAY ang posibilidad nga mo-landfall sa nasud.
Ang Northern Mindanao dili direktang apektado sa Trough o extension sa LPA apan maka-sinati sa panalagsang pagdag-um ngadto na sa madag-umon nga kalangitan inubanan sa patak-patak nga pag ulan tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.5 meters nga balud sa kadagatan sa Northern Mindanao.
Ang Misamis Oriental; ug ubang parti sa Bukidnon (Baungon, Libona, Manolo Fortich, Malitbog); ug Misamis Occidental (Oroquieta, LopezJaena, Plaridel, Baliangao, Sapang Dalaga) naka-sinati sa kasarangan (moderate) ngadto sa kusog (heavy) nga pag ulan tungod sa thunderstorms sulod sa 1-2 ka oras. Samtang susamang sitwasyon usab ang posibling masinati sa Lanao del Norte ug Camiguin tungod sa thunderstorms sulod sa 1-2 ka oras basi sa pahimangno sa PAGASA ganihang 5:35 sa buntag.
Nagpabiling naka-sinati sa hinay (light) nga pag ulan sa Cagayan de Oro karong orasa.
Hinay (light) nga pag ulan ang nasinati sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Madag-umon ngadto sa hinay (light) nga pag ulan ang nasinati sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
