6:10 AM 19OCT2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Low Pressure Area (LPA) sulod sa Philippine Area of Responsibility (PAR) nahimo nang Bagyo ug ginganlang Bagyong (Tropical Depression) “PEPITO” ganihang 2:00 buntag. Ang sentro sa bagyo anaa sa gilay-ong 820 km Sidlakan (East) nga bahin sa Virac, Catanduanes; kakusgong 45 kph; ug paglihok nga 20 kph Kasadpan Amihanang-kasadpan (West Northwestward) ganihang 4:00 sa buntag. Ang Bagyo posibling mo-landfall sa nasud ugma sa hapon (20 October) o hapon o gabii sa Miyerkules (21 October).
Ang tibuok Mindanao dili apektado sa Northeasterly Surface Windflow apan makasinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Trough o Extension sa Bagyo.
Forecast Position:
– 24 Hour(Tomorrow morning): 600 km East of Casiguran, Aurora
– 48 Hour(Wednesday morning):In the vicinity of Jones, Isabela
– 72 Hour(Thursday morning): 255 km West of Dagupan City, Pangasinan
– 96 Hour(Friday morning):550 km West of Dagupan City, Pangasinan (OUTSIDE PAR)
– 120 Hour(Saturday morning):870 km West of Northern Luzon (OUTSIDE PAR)
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Madag-umon sa Cagayan de Oro karong orasa.
Madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
