5:10 AM 11MAY2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo sulod sa Philippine Area of Responsibility (PAR).
Ang gibantayang Low Pressure Area (LPA), SULOD sa PAR, nga anaa sulod sa Intertropical Convergence Zone (ITCZ) adunay gilay-ong 570 km Sidlakan Amihanang-sidlakan (East Northeast) nga bahin sa Hinatuan, Surigao del Sur ganihang 2:00 sa buntag. Ang LPA GAMAY ang tsansa nga mamahimong bagyo.
Ang Northern Mindanao nagpabiling apektado sa LPA ug tungod niini maka-sinati sa mapanganuron nga kalangitan inubanan sa katag-katag nga pag ulan.
Ang Southwesterlies dili direktang maka apekto sa Northern Mindanao.
Hinay (light) ngadto sa kasarangan (moderate) nga hangin gikan sa Habagatang Kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay natala nga pag ulan sa Libona; Mampayag, Dahilayan ug Lindaban, Manolo Fortich karong orasa.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Wala pag ulan usab sa Talakag ug Baungon.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
