Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA alas 4:00 sa hapon kagahapon, ang sentro sa Bagyong (Tropical Storm) “BARIJAT” (kanhing NENENG) anaa na sa 425 km Kasadpan (West) bahin sa Extreme Northern Luzon GAWAS sa PAR.
Kini adunay kakusgong 85 kph ug paglihok nga 15 kph Kasadpan Habagatang-kasadpan (West Southwest) alas 3:00 sa hapon kagahapon.
Samtang ang Bagyo (International name Typhoon “MANGKHUT” ) nga naa GAWAS sa PAR anaa na sa gilay-ong 1,650 km Sidlakan (East) nga bahinsa Southern Luzon; kakusgong 185 kph; ug paglihok nga 30 kph Kasadpan (West) ganihang 3:00 sa hapon. Ang Bagyong “MANGKHUT” posibling mo-sulod sa PAR karong Miyerkules (September 12) ug nganlan kini nga Bagyong “OMPONG”.
Ang Northern Mindanao dili apektado sa Trough sa Bagyong (TS)”NENENG” ug Bagyong “MANGKHUT” apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa Northern Mindanao.
Samtang alas 10 kagabie gipahibalo sa CDRRMD nga basi sa pahimangno sa PAGASA, ang Northern Mindanao DAKO ang posibilidad nga maka-sinati sa pag ulan, kilat ug pagpanalugdog (thunderstorms) sulod sa 12 oras.
Walay pag ulan sa CDO karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon.
(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
