7:00 AM 31JULY2019
Gipahibalo sa City Disaster Risk Reduction and Management Department o CDRRMD nga basi sa pahimangno sa PAGASA ganihang 6:40 sa buntag, ang Misamis Oriental ug ubang parti sa Lanao del Norte (Iligan City, Sultan Naga Dimaporo, Sapad, Lala) naka-sinati sa kasarangan (moderate) ngadto sa kusog (heavy) nga pag ulan inubanan sa kilat ug kusog nga hangin tungod sa thunderstorms sulod sa 1-2 ka oras. Samtang susamang sitwasyon usab ang posibling masinati sa Misamis Occidental tungod sa thunderstorms sulod sa 2 ka oras.
Nagpabiling naka-sinati sa hinay (light) nga pag ulan ang ubang parti sa Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Nagpabiling mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
