Weather Update! LPA, dako ang posibilidad nga mahimong bagyo

45
PC: CDRRMD / PAG-ASA

5:50 AM 08OCT2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR). Kini anaa na sa baybayon nga bahin sa San Pascual, Masbate ganihang 3:00 sa buntag. Ang LPA dako ang posibilidad nga mahimong bagyo (Tropical Depression) kung kini anaa na sa West Philippine Sea.

 

Ang tibuok Mindanao dili apektado sa LPA ug Northeasterly Surface Windflow apan makasinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Habagat (Southwest Monsoon).

 

Hinay (light) ngadto sa kasarangan (moderate) nga hangin gikan sa Amihanang-kasadpan (Northwest) ngadto sa Habagatang-kasadpan (Southwest) maoy mo-resulta sa 1.2 – 2.1 meters nga balud sa kadagatan sa tibuok Mindanao.

 

Mapanganuron ang Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).




 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments