5:15 AM 24SEP2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 655 km Sidlakan (East ) nga bahin sa Infanta, Quezon ganihang 3:00 sa buntag. Ang LPA dako ang posibilidad nga mamahimong bagyo.
Ang tibuok Mindanao dili apektado sa LPA apan makasinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa Habagat (Southwest Monsoon).
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Mapanganuron ang Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
