5:40 AM 29JUNE2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR) nga adunay gilay-ong 970 km Sidlakan (East) nga bahin sa Juban, Sorsogon ganihang 3:00 sa buntag. Ang LPA adunay posibilidad nga mamahimong Bagyo sulod sa 24-48 ka oras.
Ang Northern Mindanao dili direktang apektado sa Low Pressure Area (LPA) ug Habagat (Southwest Monsoon) apan maka-sinati sa panalagsang pagdag-um ngadto na sa mapangarunon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
