6:50 AM 27SEPT2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Samtang ang gibantayang LPA gawas sa PAR nahimo nang Bagyo (Tropical Depression) ug anaa kini sa gilay-ong 1,685 km Sidlakan (East) nga bahin sa Visayas. Ang Bagyo GAMAY ang posibilidad nga mo-landfall sa nasud ug posibling mo-sulod sa PAR ugmang adlawa (September 28).
Ang tibuok Mindanao dili apektado sa Northeasterly Surface Windflow apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) nga maoy mo-resulta sa 0.6 – 2.5 meters nga balud sa kadagatan sa Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay natala nga pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
