2:05 PM 1SEP18
Gipahibalo sa City Disaster Risk Reduction and Management Department o CDRRMD nga basi sa pahimangno sa PAGASA ganihang 11:00 sa buntag, ang gibantayang Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 495 km Sidlakan (East) nga bahin sa Juban, Sorsogon posibling mawala sulod sa 12-24 oras.
Samtang ang gibantayang Bagyo (International name TYPHOON “JEBI”) GAWAS sa PAR anaa sa gilay-ong 815 km Sidlakan (East) nga bahin sa Extreme Northern Luzon; kakusgong 205 kph; ug paglihok nga 20 kph Kasadpan Amihanang-kasadpan (West Northwest) ganihang 10:00 sa buntag. Ang LPA ug ang Bagyong Jebi walay direktang epekto sa Northern Mindanao.
Mapanganuron sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay natala nga pag ulan usab sa Talakag ug Baungon.
(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
