5:30 AM 28JULY2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 310 km Sidlakan (East) nga bahin sa Virac, Catanduanes ganihang 3:00 sa buntag. Ang LPA GAMAY ang tsansa nga mamahimong bagyo.
Ang Northern Mindanao dili apektado sa LPA apan maka-sinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag-ulan hilabi na sa hapon o gabii tungod sa “localized thunderstorms”.
Hinay (light) nga hangin gikan Habagatan- kasadpan (Southwest) ngadto sa Kasadpan (West) nga maoy mo-resulta sa hangtud 0.6 – 1.5 meters nga balud sa kadagatan sa tibuok Mindanao.
Walay pag ulan Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
