5:50 AM 14AUG18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR); kini adunay gilay-ong 760 km Sidlakan Amihanang-sidlakan (East Northeast) nga bahin sa Basco, Batanes.
Samtang ang sentro sa Bagyong (Severe Tropical Storm) “LEEPI” anaa sa 1,775 km Sidlakan Amihanang-sidlakan (East Northeast) nga bahin sa Extreme Northern Luzon GAWAS sa PAR. Kini adunay kakusgong 90 kph ug paglihok nga 25 kph Amihanang-kasadpan (Northwest) ganihang 3:00 sa buntag.
Ang Northern Mindanao dili apektado sa STS “LEEPI”, LPA ug Habagat (Southwest Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Kasarangan (moderate) ngadto sa kusog (strong) nga hangin gikan sa Habagatang-kasadpan (Southwest) maoy mo-resulta sa 1.2 – 3.4 meters nga balud sa kadagatan sa Northern Mindanao.
Walay natala nga pag ulan sa CDO karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
