5:50 AM 2OCT2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR). Ang gibantayang LPA anaa sa gilay-ong 800 km Sidlakan (East) nga bahin sa Legazpi City ganihang 3:00 sa buntag.
Ang tibuok Mindanao dili direktang apektado sa LPA apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin nga magagikan sa Habagatang-kasadpan (Southwest) ngadto sa Habagatang-sidlakan (Southeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Ang ubang parti sa Misamis Occidental (Oroquieta, Plaridel, Baliangao, Calamba, Concepcion) naka-sinati sa kasarangan (moderate) ngadto sa kusog (heavy) nga pag ulan, kilat ug pagpanalugdog, inubanan sa kusog nga hangin tungod sa thunderstorms sulod sa 1-2 ka oras, basi sa pahimangno sa PAGASA ganihang 3:40 sa buntag
Mapanganuron ang ubang parti sa Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
