5:30 AM 02JUNE2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang bag-ong Low Pressure Area (LPA) sulod sa Philippine Area of Responsibility (PAR). Kini anaa na sa gilay-ong 770 km Sidlakan (East) nga bahin sa Casiguran, Aurora. Ang LPA gamay ang tsansa nga mahimong bagyo ug posibling malusaw sulod sa 36 ka oras.
Ang tibuok Mindanao dili apektado sa LPA apan maka-sinati sa panalagsang pagdag-um ngadto sa madag-umon nga kalangitan inubanan sa katag-katag nga pag ulan o pagpanalugdog tungod sa Intertropical Convergence Zone (ITCZ).
Ang ITCZ mao ang pagtabo sa hangin gikan sa Northern ug Southern Hemispheres duol sa equator. Kini nga pagtabo mo-resulta sa mga baga nga panganod nga gadala ug pag ulan.
Hinay (Light) ngadto sa Kasarangan (moderate) nga hangin gikan sa Habagatang-sidlakan (Southeast) ngadto sa nagkalain-lain nga direksyon maoy mo-resulta sa hangtud 1.2 meters nga balud sa kadagatan sa Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.(Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon.(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
