5:25 AM 23SEP2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 365 km Sidlakan (East) nga bahin sa Catarman, Northern Samar ganihang 3:00 sa buntag. Ang LPA gamay ang posibilidad na mamahimong bagyo.
Ang Northern Mindanao dili apektado sa LPA ug Habagat (Southwest Monsoon) apan makasinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized thunderstorms”.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) maoy mo-resulta sa 0.6 – 1.2 meters nga balud sa kadagatan sa tibuok Mindanao.
Samtang ang Camiguin posibling makasinati sa kasarangan (moderate) ngadto sa kusog (heavy) nga pag ulan inubanan sa kilat ug kusog nga hangin epekto sa thunderstorms sulod sa 1-2 ka oras, basi sa pahimangno sa PAGASA ganihang 4:10 sa buntag.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
