5:20 AM 05APR2021
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 1,260 km Sidlakan Amihanang-sidlakan (East Northeast) nga bahin sa Basco, Batanes. Ang LPA walay direktang epekto sa nasud ug nagpabiling GAMAY ang tsansa mahimong Bagyo.
PC
Ang tibuok Mindanao dili apektado sa Northeasterly surface windflow apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdug tungod sa “Localized Thunderstorms”.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.5 meters nga balud sa kadagatan sa tibuok Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
