5:50 PM 9SEP18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA 4:00 kagahapon sa hapon, walay bagyo apan adunay gibantayang Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 150 km Amihanang-sidlakan (Northeast) nga bahin sa Basco, Batanes.
Ang LPA posibling mahimong Bagyo (Tropical Depression) sulod sa 24-48 ka oras ug nganlang Bagyong “NENENG”.
Samtang ang Bagyo (International name Typhoon “MANGKHUT” ) nga naa GAWAS sa PAR anaa na sa gilay-ong 3,075 km Sidlakan (East) nga bahin sa Southern Luzon; kakusgong 120 kph; ug paglihok nga 35 kph Kasadpan Amihanang-kasadpan (West Northwest) 3:00 kagahapon sa hapon.
Ang Bagyong Mangkhut posibling mosulod sa PAR karong Miyerkules (September 12) ug mogawas kini pagka Sabado (September 15) o Domingo (September 16).
Ang Northern Mindanao dili apektado sa LPA ug Bagyong Mangkhut apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa Northern Mindanao.
Samtang
Basi sa pahimangno sa PAGASA alas 11:45 kagabii, ang ubang parti sa Misamis Oriental (El Salvador, Gitagom, Initao) naka-sinati sa kusog (heavy) nga pag ulan inubanan sa kilat ug kusog nga hangin epekto sa thunderstorms sulod sa 1-2 ka oras.
Nagpabiling hinay (light) nga pag ulan ang nasinati sa ubang parti sa Cagayan de Oro karong orasa.
Nagpabiling madag-umon ngadto sa hinay (light) nga pag ulan ang nasinati sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling madag-umon ngadto sa hinay (light) nga pag ulan usab ang nasinati sa ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
