5:00 AM 26DEC2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantanyang Low Pressure Area (LPA) gawas sa Philippine Area of Responsibility (PAR) anaa na sa gilay-ong 660 km Sidlakan Habagatang- sidlakan (East Southeast) nga bahin sa General Santos City, South Cotabato ganihang 3:00 sa buntag. Ang LPA nagpabiling GAMAY ang tsansa nga mahimong Bagyo (Tropical Depression) sulod sa 24 ka oras.
Ang Northern Mindanao dili direktang apektado sa Low Pressure Area (GAWAS sa PAR) ug Amihan (Northeast Monsoon) apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa Trough o extension sa LPA nga anaa gawas sa PAR.
Hinay (light) ngadto sa kasarangan (moderate) nga hangin gikan sa Habagatang- sidlakan (Southeast) ngadto sa Amihanang-sidlakan (Northeast) maoy mo-resulta sa 0.6 – 2.5 meters nga balud sa kadagatan sa tibuok Mindanao.
Mapanganuron sa Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Mapanganuron usab ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
