5:30 AM 30DEC2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang Northern Mindanao dili direktang apektado sa Amihan (Northeast Monsoon); Tail-end of a Frontal System; ug Trough o extension sa LPA (GAWAS sa PAR) apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “Localized Thunderstorms”.
Samtang ang gibantayang LPA gawas sa PAR anaa na sa gilay-ong 1,275 km Sidlakan (East) nga bahin sa Mindanao. Ang LPA nagpabiling gamay ang tsansa nga mahimong bagyo.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Nagpabiling madag-umon sa Cagayan de Oro karong orasa.
Nagpabiling madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
Ga-anam na ug pa-ubos ang level sa suba sa Iponan ug nagpabilin kining anaa sa NORMAL na level.
Anaa usab sa NORMAL nga LEVEL ang tubig sa suba sa Cagayan.
Gi-awhag ang matag BDRRMC labi na sa mga bahaonon nga barangay sa pagpaminaw kanunay sa mga pahimangno aron makapangandam ug maka-plano sa angayan nga buhaton.
Samtang, CDRRMD pabilin sa pag monitor.
