5:25 AM 8FEB2021
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantanyang Low Pressure Area (LPA) sulod sa Philippine Area of Responsibility (PAR) anaa na sa gilay-ong 580 km Sidlakan (East) nga bahin sa Davao City ganihang 3:00 sa buntag. Ang LPA nagpabiling GAMAY ang tsansa nga mamahimong bagyo ug posibling malusaw sulod sa 36 ka oras.
Ang Northern Mindanao dili direktang apektado sa LPA; ug Amihan (Northeast Monsoon) apan makasinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Trough sa LPA.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa tibuok Mindanao.
Nagpabiling nakasinati sa hinay (light) nga pag ulan ang CDO karong orasa.
Nagpabiling nakasinati sa hinay (light) nga pag ulan ang ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling nakasinati sa hinay (light) nga pag ulan usab ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
