5:40 AM 16JULY18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Low Pressure Area (LPA) SULOD sa Philippine Area of Responsibility (PAR) nahimo na ug Bagyo ug ginganlang Bagyong (Tropical Depression) “HENRY”. Ang sentro niini anaa sa 500 km Sidlakan (East) nga bahin sa Calayan, Cagayan, sa kakusgong 55 kph ug paglihok nga 25 kph Kasadpan habagatang-kasadpan (West Southwest) ganihang 3:00 sa buntag.
Ang Northern Mindanao dili apektado sa Bagyo (Tropical Depression “HENRY”) ug Southwest monsoon (HABAGAT) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 0.6 – 2.1 meters nga balud sa kadagatan sa Northern Mindanao.
Nagpabiling mapanganuron sa CDO karong orasa.
Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan
Samtang, CDRRMD pabilin sa pag monitor.
PC: CDRRMD
