6:10 AM 23JAN19
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (kanhing TD “AMANG”) nga anaa SULOD sa Philippine Area of Responsibility (PAR).
Ang gibantayang LPA adunay gilay-ong 55 km Amihanang-sidlakan (Northeast) nga bahin sa Borongan, Eastern Samar ganihang 3:00 sa buntag.
Ang Northern Mindanao dili apektado sa LPA ug Amihan (Northeast Monsoon) apan maka-sinati panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag-ulan tungod sa “Localized” Thunderstorms.
Hinay (light) ngadto sa kasarangan (moderate) nga hangin gikan sa Amihanan (North) ngadto sa Amihanang-kasadpan (Northwest) maoy mo-resulta sa .6 – 2.1 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Wala nay pag ulan usab sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
