6:35 AM 4JULY2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan dunay gibantayang bag-ong Low Pressure Area (LPA) SULOD sa Philippine Area of Responsibility (PAR).
Kini anaa na sa gilay-ong 520 km Sidlakan Habagatang-sidlakan (East Southeast) nga bahin sa General Santos City, South Cotabato ganihang 3:00 sa buntag.
Ang LPA gamay ang tsansa nga mamahimong Bagyo ug posibling malusaw sulod sa 24-36 oras.
Ang tibouk Mindanao apektado sa Trough o extension sa LPA ug tungod niini maka-sinati sa madag-umon nga kalangitan inubanan sa katag katag nga pag ulan.
Hinay (light) ngadto sa kasarangan (moderate) nga hangin gikan sa Amihan (North) ngadto sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa Northern Mindanao.
Wala nay pag ulan sa Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Mapanganuron usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
