Weather Update! LPA, padayong gibantayan sa PAG-ASA

21
PC: CDRRMD / PAG-ASA

5:45 AM 26SEP2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 405 km Sidlakan (East) nga bahin sa Tuguegarao City, Cagayan ganihang 3:00 sa buntag. Ang LPA gamay ang posibilidad na mamahimong bagyo ug posibling malusaw sulod sa 24 – 36 ka oras.

 

Ang tibuok Mindanao dili apektado sa LPA ug Habagat (Soutwest Monsoon) apan makasinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized thunderstorms”.

 

Hinay (light) ngadto sa kasarangan (moderate) nga hangin gikan sa Habagatan (South) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Walay pag ulan sa Cagayan de Oro karong orasa.

 

Mapanganuron ang ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron usab ang ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).




 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments