Weather Update! LPA, padayong gibantayan sa PAG-ASA

20
PC: CDRRMD / PAG-ASA

5:25 AM 09FEB2021

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 75 km Sidlakan Habagatang-sidlakan (East Southeast) nga bahin sa Hinatuan, Surigao del Sur ganihang 3:00 sa buntag. Ang LPA nagpabiling GAMAY ang tsansa nga mahimong Bagyo (Tropical Depression).


 

Ang Northern Mindanao dili direktang apektado sa LPA ug Amihan (Northeast Monsoon) apan makasinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Trough o extension sa LPA.

 

Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Madag-umon sa Cagayan de Oro karong orasa.

 

Madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).




 

Madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments