5:15 AM 22DEC2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang tibuok Mindanao dili direktang apektado sa Trough o Extension sa Bagyong “KROVANH” (Kanhing “VICKY”); Tail-end of a Frontal System; ug Amihan (Northeast Monsoon) apan makasinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan tungod sa Easterlies.
Ang Easterlies mao ang init nga hangin nga naga-gikan sa Pacific Ocean nga gadala ug panganud nga posibling makapa-ulan sa mga lugar nga apektado niini.
Samtang ang sentro sa gibantayang bagyong (Tropical Depression) “KROVANH” (Kanhing “VICKY”) anaa na sa gilay-ong 415 km Habagatang-kasadpan (Southwest) nga bahin sa Palawan (GAWAS sa PAR); kakusgong 55 kph; ug 20 kph nga paglihok sa Kasadpan (West) ngadto sa Habagatang-kasadpan (Southwest) ganihang 3:00 sa buntag.
Hinay (light) ngadto sa kasarangan (moderate) nga hangin gikan sa Sidlakan (East) maoy mo-resulta sa 0.6 – 2.5 meters nga balud sa kadagatan sa tibuok Mindanao.
Nagpabiling mapanganuron sa Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
