4:35 AM 23MAY2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang tibuok Mindanao dili apektado sa Frontal System apan maka-sinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan, tungod sa “localized thunderstorms”.
Hinay (light) ngadto sa kasarangan (moderate) nga hangin gikan Habagatang-sidlakan (Southeast) ngadto sa Habagatang (South) nga maoy mo-resulta sa hangtud 1.2 meters nga balud sa kadagatan sa tibuok Mindanao.
Mapanganuron ang Cagayan de Oro karong orasa.
Mapanganuron ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara maao ang tinubdan sa tubig nga makapabaha sa Lapasan paingon sa Bugo).
Mapanganuron usab ang ubang parti sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
